၃.၇.၂၀၂၆။ ရှမ်းပြည်နယ်တောင်ပိုင်း၊ အောင်ပန်း-ကလော ကားလမ်းမပေါ်မှာ ဒီကနေ့ (ဇူလိုင် ၃ ရက်) နံနက်ပိုင်းက အသက် ၂၈ နှစ်အရွယ် ၁၂ ဘီးကုန်တင်ယာဉ်မောင်းတစ်ဦး အွန်လိုင်းစလော့ဂိမ်းကစားရာမှ ငွေကြေးဆုံးရှုးပြီး မိမိကိုယ်ကိုယ် အဆုံးစီရင်မှုတစ်ခု ဖြစ်ပွားခဲ့ကြောင်း အောင်ပန်းနာရေးကူညီမှု အသင်းထံမှ သိရပါတယ်။
ဖြစ်စဉ်မှာ ရန်ကုန်မြိုမှ ရှမ်းတောင်ဆီ တက်လာတဲ့ အဆိုပါ ၁၂ ဘီးယာဉ်ဟာ ကလောမြိုနယ် တိုးဂိတ်အနီးမှာ ရပ်နားထားစဉ် ယာဉ်မောင်းဖြစ်သူက ယာဉ်နောက်လိုက် (စပယ်ယာ) အိပ်ပျော်နေချိန်အတွင်း သေကြောင်းကြံစည်ခဲ့ခြင်း ဖြစ်ကြောင်း သိရပါတယ်။
“” သူက ကြိုးဆွဲချသွားတာ ၊ သူ့ကားပေါ်ကနေပဲ ။ ကားပေါ်မှာပဲ ဆွဲကြိုးချတာ ။ သူ့ကားစပါယ်ယာ ကားထွက်ဖို သွားပြောမှတွေ့တာ ။ အလောင်းက ပျော့ပြောင်းနေတုန်းမို တွေ့ချိန်နဲ့ သေချိန် သိပ်မကွာ လောက်ဘူး “” လို MMNewsPower က ဆက်သွယ်မေးမြန်းတာကို ပြန်လည်ဖြေကြားပါတယ် ။
သေဆုံးသူ ယာဉ်မောင်းက ကားပေါ်ပါ ကုန်ပစ္စည်းဖိုးငွေ တွေနဲ့ ယာဉ်ပိုင်ရှင်ထံ အပ်နှံရမယ့် ငွေကြေးတွေကို အွန်လိုင်းစလော့ဂိမ်းမှာ ထည့်သွင်းကစားခဲ့တာကြောင့် ငွေကျပ် သိန်း ၁၅၀ ဝန်းကျင်ခန့် အကြွေးတင်ရှိသွားရာမှ အခုလို သေကြောင်းကြံစည်ခဲ့ခြင်းဖြစ်ကြောင်း ဖြစ်စဉ်သိရှိသူတွေရဲ့ ပြောပြချက်အရ သိရပါတယ်။
သေဆုံးသူရဲ့ ရုပ်အလောင်းကို အောင်ပန်းနာရေးလူမှုကူညီရေးအသင်းက ကလောမြို ပြည်သူ့ဆေးရုံ ရင်ခွဲရုံဆီ ကူညီသယ်ဆောင်ပေးခဲ့တယ်လို သိရပါတယ်။
မြန်မာနိုင်ငံမှာ အွန်လိုင်းလိမ်လည်မှု (ကျားဖြန့်) လုပ်ငန်း တွေကို ထိရောက်စွာ အရေးယူနိုင်ဖိုအတွက် ပြည်ထဲရေးဝန်ကြီးဌာနက ပြစ်ဒဏ်အမြင့်ဆုံးအဖြစ် သေဒဏ် သိုမဟုတ် တစ်သက်တစ်ကျွန်းအထိ ချမှတ်နိုင်တဲ့ ဥပဒေကြမ်းကို ၂၀၂၆ ခုနှစ် ဇွန်လ ၂ ရက်နေ့မှာ လွှတ်တော်ကို တင်သွင်းခဲ့ပါတယ်။
#ဓာတ်ပုံ – အောင်ပန်းနာကူ
#MMNewsPower
